უმრავლესობის აზრით, საქართველო სარგებელს მიიღებს ევროკავშირთან ურთიერთობით - NDI

18-34 წლამდე გამოკითხულთ 66% ფიქრობს, რომ საქართველო მეტ სარგებელს მიიღებს ევროპული და ევროატლანტიკური ინტეგრაციით (ევროკავშირსა და ნატოში გაწევრიანებით).

ამავე ასაკის ადამიანების 7% კი მიიჩნევს, რომ საქრთველო მეტ სარგებელს მიიღებს, თუ რუსეთთან უკეთესი ურთიერთობის ჩამოყალიბების სანაცვლოდ უარს იტყვის ევროპუილ და ევრო-ატლანტიკურ ინტეგრაციაზე.

გამოკითხულთა 61% ამბობს, რომ კორონავირუსის პანდემიამ ევროკავშირის მიმართ მათი დამოკიდებულებები არ შეცვალა.

კვლევაში გამოყენებული ციტატები ასეთია:

“ევროკავშირმა, რომელმაც ქმედითი დახმარების ნაბიჯი ვერ გადადგა იტალიისა და ესპანეთის მიმართ, ძალიან გთხოვთ, „რუსეთუმეობაში“ არ ჩამითვალოთ, და რუსეთმა უფრო პირველმა გადადგა იტალიის დასახმარებლად ნაბიჯი. ცოტა გაუარესდა კი არა, მკვეთრად გაუარესდა ჩემი დამოკიდებულება ევროკავშირის მიმართ”, - ქალი, თვითდასაქმებული, თბილისი.

“როგორ აზრზეც ვიყავი, ისევ ისეთ აზრზე ვარ. დადებითად ვარ განწყობილი ევროკავშირის მიმართ. საკმაოდ კარგი გაერთიანებაა. გვეხმარება კიდევაც შეძლებისდაგვარად.“ ქალი, 22 წლის, დასაქმებული, მარნეული.

“მე დადებითი დამოკიდებულება მქონდა ევროკავშირის მიმართ და არ შემცვლია. რაც შეეხება გავრცელებას [...] აქ ისიც არ უნდა დაგავიწყდეთ, რომ ტურისტულად მეტად ინტერაქტიური ზონაა ევროკავშირი და ძალიან ბევრი ტურისტი ჰყავს, ნუ საზღვრების სიდიდეც და ალბათ ეს ფაქტორებიც უნდა გავითვალისწინოთ, როდესაც ევროკავშირის „უსუსურობაზე“ ვლაპარაკობთ.“ კაცი, 20 წლის, დასაქმებული, ზუგდიდი.

[sknews.ge]