სმადაში ავარიის შედეგად დაშავებული კაცი რეანიმაციაშია

შუახნის მამაკაცს, სავარაუდოდ, ავარია სისხლში შაქრის დონის ვარდნის გამო მოუვიდა. მას სოფელ სმადასთან სატვირთო ავტომობილი მოუცურდა და სავალი ნაწილიდან რამდენიმე მეტრის სიმაღლიდან გადავარდა.

შემთხვევა გუშინ, 27 ივლისს მოხდა. როგორც ახალციხის რეფერალურ საავადმყოფოში განმარტავენ, დაშავებულის მდგომარეობა სტაბილურია, იგი რეანიმაციულ განყოფილებაში წევს:

„რეანიმაციაშია მოთავსებული, სტაბილური მდგომარეობაა, დაზიანებები არ აქვს, მანდ უფრო შაქრის პრობლემა იყო, რის გამოც გონება დაკარგა. პარამეტრები გვიჭირავს და არა მგონია, რომ მისი მდგომარეობა დამძიმდეს“, - ამბობს საავადმყოფოს დირექტორი რევაზ კუჭუხიძე.

[თაკო ფეიქრიშვილი, ახალციხე]