„მგონი ჩემი სტილი შევქმენი“ - ახალციხელი პოეტის, რეზო ზუმბაძის საღამო

პოეზიის საღამო ახალციხეში გაიმართა და მას რეზოს მეგობრები და ლექსის მოყვარული საზოგადოება ესწრებოდა.

რეზო ზუმბაძემ ლექსების წერა რვა წლის წინა დაიწყო. მისი შემოქმედება 300-ზე მეტ ლექსს ითვლის.

„ცნობილი პოეტი ნამდვილად არ ვარ მაგრამ, ვიწრო წრეში, მეგობრებთან ერთად, მინდა ხოლმე რომ ჩემი ახალი რაღაცები გამოვიტანო და გავუზიარო მათაც. წელს, 100 ზე მეტი ლექსი დავწერე. ყველაზე ბევრი ლექსი ალბათ ჩვენს ყოველდღიურობაზეა და ასევე პატრიოტიზმზე. შეიძლება ბიბლიურიც ამბები იყოს და ძველი რაღაცების გადმოტანაც. მგონი ჩემი სტილი შევქმენი, რაღაც ჩემი ნიშა მაქვს“,- ამბობს რეზო.

მან სამომავლო გეგმებზეც ისაუბრა, თქვა, რომ რომანზე მუშაობა სურს – ,,რამდენიმე რომანის ჩონჩხი მაქვს“.

[მარიამ ბარძიმაძე, ახალციხე]