ახალციხეში პოეტ ნანა ცინცაძის შემოქმედებითი საღამო გაიმართა

“თუ გადავხედავთ ისტორიულ ფოლიანტებს, სწორედ მესხეთდან იწყება საქართველო და თუნდაც ჩვენი რელიგიური წიაღსვლა. მე ასე არსად არ მიღელვია. ეს იყო უდიდესი წარმატება მესხეთელების და არა ჩემი. ეს ალბათ ის კრძალვა იყო ამ მიწის მიმართ, რამაც ჩემი ღელვა გამოიწვია.

მინდოდა ეს ყველაზე კარგი საღამო ყოფილიყო, რაც აქამდე მქონია. ფილარმონიაში, რომ გადამეტანა ეს საღამო, რითი იქნებოდა ნაკლები, არაფრით? მე მინდოდა სწორედ აქ, ამ მიწაზე ჩატარებულიყო ეს საღამო და არაფრით არ ყოფილიყო გამორჩეული იმ საღამოებისგან, რომლებიც ტარდება დედაქალაქში. ვფიქრობ, რომ ჩვენ ეს გავაკეთეთ დღეს და მე ამით ვარ მადლობელი. ჩვენ კი არ ავეწყეთ თინეიჯერებს, ისინი აგვეწყნენ ჩვენ და ეს იყო უდიდესი ბედნიერება“, -აღნიშნა პოეტმა ნანა ცინცაძემ.

საღამოს დასასრულს, ადგილობრივმა ფოლკლორულმა ანსამბლმა “მესხეთმა“ ნანა ცინცაძის ლექსზე შექმნილი ახალციხის ჰიმნი შეასრულა.

საღამო ახალციხის მერიის ორგანიზებით გაიმართა. ღონისძიების დასასრულს, ქალაქ ახალციხის მერიამ, პოეტ ნანა ცინცაძეს სიმბოლური საჩუქარი გადასცა.



[Sknews.ge]