საპარლამენტო არჩევნებში ‘ოცნების’ მაჟორიტარად ჯავახეთში სამველ მანუკიანი მოიაზრება

სამველ მანუკიანმა „სამხრეთის კარიბჭესთან“ სატელეფონო საუბარში დაადასტურა, რომ მმართველი გუნდიდან შეთავაზება ნამდვილად აქვს.

„ასე მითხრეს, მაგრამ ოფიციალურ განცხადებას დაველოდოთ“, – ამბობს სამველ მანუკიანი.

მანუკიანი საქართველოს პარლამენტის მეცხრე მოწვევის დეპუტატია, იგი საკანონმდებლო ორგანოში „ქართული ოცნების“ პარტიული სიით 2016 წელს შევიდა.

ვის წარადგენენ ჯავახეთში ოპოზიციური პარტიების წარმომადგენლები ამ ეტაპზე უცნობია. „ნაციონალური მოძრაობის“, „ევროპული საქართველოს“ და „ლელოს“ რაიონულ ორგნიზაციებში ჯერ კომენტარს არ აკეთებენ.

პოლიტიკური გაერთიანება „ქართული ოცნება - დემოკრატიული საქართველო“ ქვეყნის მასშტაბით მაჟორიტარი დეპუტატობის კანდიდატებს ოფიციალურად ორშაბათს, 20 ივლისს დაასახელებს.

[რიმა სარუხანიან]