გედევან ფოფხაძემ იურიდიული კომიტეტი დატოვა

როგორც პარლამენტის თავმჯდომარემ ბიუროს სხდომაზე განაცხადა, დეპუტატის კომიტეტიდან გაყვანის სურვილი ფრაქცია „დამოუკიდებელმა დეპუტატებმა“ გამოთქვა.

„ტექნიკური მიზეზების გამო დავტოვე, არაფერი პოლიტიკური“,- ამბობს „სამხრეთის კარიბჭესთან“ გედევან ფოფხაძე.

ამ დროისათვის ფოფხაძე მხოლოდ ერთ, საპროცედურო საკითხთა და წესების კომიტეტში რჩება. გასულ წელს მან ნოემბერში განათლების, მეცნიერებისა და კულტურის კომიტეტიც დატოვა. მანამდე კი "ქართული ოცნებიდან" წასვლის გადაწყვეტილება მიიღო.

ფოფხაძემ მმართველი პარტიიდან წასვლის გადაწყვეტილება მას შემდეგ მიიღო, რაც პარლამენტმა მხარი არ დაუჭირა მისი და ეკა ბესელიას მიერ ინიცირებულ კანონპროექტს მოსამართლეების უვადოდ დანიშვნის დროებით შეჩერების შესახებ.

[მარიამ ბარძიმაძე]