თავდაცვის სამინისტროს ბალანსზე არსებულ ბინებს მცხოვრებლები დაიკანონებენ

როგორც 16 ივლისს გამართულ მთავრობის სხდომაზე პრემიერ-მინისტრმა განაცხადა, საუბარია რამდენიმე ათას ბინაზე, რომელთა შესახებაც სამინისტრომ გადაწყვეტილება დღეს მიიღო.

„თავდაცვის სამინისტრომ მიიღო გადაწყვეტილება მისი უწყებრივი ბინები (რამდენიმე ათას ბინაზეა საუბარი), რომლებიც როგორც დღეს თავდაცვის სამინისტროში მომსახურე ჩვენს სამხედროებს, ასევე ყოფილ სამხედროებს აქვთ, კომისიური წესით იქნება განხილული და ამ ადამიანებს კერძო საკუთრებაში გადაეცემათ“, - განაცხადა გახარიამ.

ახალციხეში თავდაცვის სამინისტროს ბალანსზეა კოსტავას ქუჩაზე ე.წ. ხუთსართულიანების, ზარზმელის ქუჩაზე „თერთმეტბინიანების“ და რუსთაველის ქუაჩზე მესაზღვრეების ყოფილი დასახლებები. აქ მცხოვრებლები ბინების პრივატიზებას წლებია ითხოვენ.

[თაკო ფეიქრიშვილი]