‘სასმელ წყალში ფეკალიები არ აღმოჩნდა’ – წყალმომარაგების კომპანია

„ცხრა ივლისს სამი ოჯახიდან აღებული წყლის სინჯების პასუხები უარყოფითია. კიდევ ავიღეთ 10 სინჯი, ქიმიურ დაბინძურებაზე პასუხი გუშინვე გავიგეთ და არაფერია, ახლა მიკრობიოლოგიურის პასუხს ველოდებით. ვაპირებ ნახევარდდაცლილი მილებიდანაც ანალიზების აღებას, სხვა მეთოდებიც არის. არც ერთი წამით არ გაჩერებულა ჩემი სამსახური“,- ამბობს საქართველოს გაერთიანებული წყალმომარაგების კომპანიის, სამცხე-ჯავახეთის ფილიალის მენეჯერი, გიორგი გრიგოლაშვილი.

მისივე თქმით, დაზინება შესაძლოა მოსახლეობის შიდა ქსელში იყოს: „შესაძლებელია დაზიანება იყოს მოსახლეობის შიდა ქსელში. ვთქვათ გაქვთ სახლი და ეზოში გაქვთ ბეტონი დასხმული, შესალოა დაზიანება ამის ქვემოთაა. ამიტომ მე უნდა ვეძებო და უშუალოდ მათი ონკანებიდან უნდა ავიღო წყლი და შევამოწმო. რთული ძნელი და შრომატევადი პროცესია“, - განმარტა გრიგოლაშვილმა.

მესხეთის ქუჩაზე მცხოვრებლებმა განაცხადეს, რომ მათ დასახლებაში სასმელი წყალი დაბინძურებული მოდის, ადგილობრივები ვარაუდობენ, რომ სასმელ წყალს სავარაუდოდ კანალიზაცია ერევა. წყალმომარაგების კომპანიის თანამშრომლებმა წყლის სინჯები ცხრა ივლისს აიღეს.

[მარიამ ბარძიმაძე, ახალციხე]