ახალციხეში, კოსტავას ქუჩაზე დაბინძურებული წყალი მოდის

ადგილობრივები ამბობენ, რომ სამი დღის წინ, 27 აგვისტოს, დასახლებაში წყლამომარაგება შეწყდა, ამის შემდეგ კი დაბინძურებული წყალი წამოვიდა: „იმდენი ტალახი გროვდება ძირში, როცა ჭურჭელს წყლით ავსებ, რომ გასარეცხადაც ვერ გამოიყენებ. მეოთხე დღეა ასეა და არ დაიწმინდა“.

საქართველოს გაერთიანებული წყალმომარაგების კომპანიაში აცხადებენ, რომ უწყებაში ადგილობრივების მხრიდან წყლის დაბინძურებასთან დაკავშირებით შეტყობინება არ შესულა: „იმ სათავე ნაგებობაზე, საიდანაც ხუთსართულიანების დასახლება მარაგდება დაზიანება არ ყოფილა და არც წყალი ამღვრეულა. შესაძლოა, დასახლებაში შიდა ქსელის პრობლემა იყოს. ჩვენი თანამშრომლები ადგილზე მივლენ და პრობლემას შეისწავლიან“.

[ლუბა გიორგაძე, ახალციხე]