უმუშევრად დარჩენილებისათვის კომპენსაციის მისაღებად რეგისტრაციის ვადა გახანგრძლივდა

„მათთვის, ვინც დაკარგა სამსახური ან მათთვის, ვინც თვითდასაქმებული იყო, უბრალოდ, ოჯახში შემოსავალი შეუმცირდათ ან საერთოდ დაკარგეს, მოგეხსნმებათ, რომ ასეთი ადამიანების რეგისტრაციის ვადა არის ამოწურული. მთავრობამ მიიღო გადაწყვეტილება, რომ 1–ელ აგვისტომდე ეს ვადა გაგრძელდეს, მათთვის, ვინც დააგვიანა ან ვინც ვერ შეძლო საჭირო საბუთების მოგროვება“,– განაცხადა გიორგი გახარიამ.
მისივე თქმით, თუ საჭირო გახდება, რეგისტრაციის ვადა კიდევ გახანგრძლივდება.

„ყველაფერს გავაკეთებთ, რომ ეს რიცხვები გაიზარდოს და სწორედ ამას ემსახურება ვადის გადავადება. ამასთან, ფართოვდება თვითდასაქმებულების ნაწილში დახმარების მიზნობრიობა და დღეს დაუვუმატებთ საზღვარგარეთ სეზონურ სამუშაოზე დასაქმებული ადამიანების დახმარებას, მათგანაც დავიწყებთ განაცხადების მიღებას,“- აღნიშნა პრემიერმა.

გიორგი გახარიას ინფორმაციით, ამ ეტაპზე, 121 719–მა თვითდასაქმებულმა და 129 000–ზე მეტმა დასაქმებულმა მიიღო დახმარება.

[ნუკა სტეფნაძე]