საბანკო სესხები კიდევ სამი თვით გადავადდება

ამის შესახებ პრემიერმა მთავრობის სხდომაზე განაცხადა. მისი თქმით, სესხების გადავადება მოხდება იმ მოქლაქეებისთვისაც, რომლებსაც შემოსავალი შეუმცირდათ და თავისი ნებით მიმართავენ ბანკს.

„ყველა იმ მოქალაქეს რომელმაც დაკარგა სამსახური და რომელსაც სახელმწიფო ეხმარება ანტიკრიზისული გეგმით, შემდეგი სამი თვის განმავლობაში ავტომატურად გადაუვადდება სესხის მომსახურება, გარდა ამისა ყველა იმ მოქალაქეს რომელსაც შეუმცირდა შემოსავალი და აქვს საბანკო კრედიტი და რომელიც თავისი სურვილით მიმართავს ბანკს, ასევე მოხდება მისი საკრედიტო პროცენტის გადავადება სამი თვით და ყველაფერი ეს მოხდება პროცენტის კაპიტალიზაციის გარეშე, რაც არის უკიდურესად მნიშვნელოვანი“ - განაცხადა გახარიამ.

[რობი ზარიძე]