იუსტიციის სახლებში რიგების გამო, მთავრობამ მეწარმეების რეგისტრაციის ვადა გადაწია

ასობით კომპანიის წარმომადგენელი მთელი დღის განმავლობაში ცდილობა ე.წ. "მომეტებული საფრთხის შემცველ, მძიმე, მავნე და საშიშპირობებიანი" ორგანიზაციების რეესტრში ჩაწერას, რასაც მათ ახალი კანონმდებლობა ავალდებულებს.

"რეგისტრაციის მიზნით დაინტერესებულ პირთა მაღალი მიმართვიანობიდან გამომდინარე, რეგისტრაციის პერიოდი გახანგრძლივდა 30 კალენდარული დღით და ბოლო ვადად განისაზღვრა 2018 წლის 30 ოქტომბერი. ეკონომიკურ საქმიანობათა რეესტრში საქმიანობის რეგისტრაცია შესაძლებელია იუსტიციის სახლებში, საჯარო რეესტრის ტერიტორიულ სარეგისტრაციო სამსახურებში და საზოგადოებრივ ცენტრებში. საქართველოს მთავრობის 27.07.2018წ. N381 დადგენილებით დამტკიცებული მომეტებული საფრთხის შემცველი, მძიმე, მავნე და საშიშპირობებიანი სამუშაოების ჩამონათვალი იხილეთ ბმულზე", – ნათქვამია ჯანდაცვისსამინისტროს განცხადებაში.

ამ დროისთვის, (20:55 საათი) რიგია ახალციხის იუსტიციის სახლშიც.როგორც მეწარმეები ,,სამხრეთის კარიბჭესთან'' ამბობენ, მათ ვინც უკვე შენობაშია და რიგს ელოდება რეგისტრაციას გაატარებენ და 22:00 საათამე იმუშავებენ.

[sknews.ge]