ახალციხეში სამედიცინო–სარეაბილიტაციო ცენტრი აშენდება

ახალციხეში, 9 აპრილის ქუჩაზე ცენტრის მშენებლობისთვის ორგანიზაციამ ტენდერი უკვე გამოაცხადა. ცენტრის დირექტორის, კობა კაბოსნიძის განცხადებით, მშენებლობა 2021 წლამდე უნდა დასრულდეს და ის მთელ რეგიონში, სხვადასხვა მიზნობრივი ჯგუფისთვის იქნება განკუთვნილი.

„მართვა განხორციელდება თბილისიდან და იქნება რეგიონის მასშტაბით ყველა მიზნობრივ ჯგუფზე გათვლილი. სარეაბილიტაციო ცენტრი დიდი ალბათობით სახელმწიფო პროგრამებში იქნება ჩართული, განთავსდება შშმ პირთა დღის ცენტრი, სავარაუდოდ ბავშვებისთვის. ასევე იქნება სარეაბილიტაციო პროგრამები გამომდინარე შენობის მასშტაბიდან, ვფიქრობ საკმაოდ დიდი ოდენობის პაციენტების მიღებას შევძლებთ. სპეციალისტებს პირველ ეტაპზე თბილისიდან ჩამოვიყვანთ, ადგილზეც გვყავს გადამზადებული სპეციალისტები“, – ამბობს კობა კაბოსნიძე.

ცენტრის მშენებლობისთვის ტენდერი 28 ივნისს გამოცხადდა და წინადადებების მიღება 20 ივლისამდე გრძელდება.

[რობი ზარიძე, ახალციხე]