ბორჯომში ხანძრის ქრობის დროს ადგილობრივი დაშავდა [ფოტო]

როგორც დაზარალებული ამბობს, იგი ცეცხლის ჩაქრობას სახურავიდან ცდილობდა, რა დროსაც ჭერი ჩაინგა და ჩავარდა. დაშავებულს პირველადი დახმარება სასწრაფო სამედიცინო დახმარების ჯგუფმა აღმოუჩინა.

"გიფსოკარტონი ჩატყდა და ოთახში, სავარძელში ჩავარდი", – ამბობს დაშავებული.

ხანძარი ბორჯომში დღეს, შვიდ ივლისს ნიკოლაძის ქუჩაზე დაახლოებით 17:30 საათზე გაჩნდა. ადგილობრივების განცხადებით, ცეცხლი პირველად საცხობში გაჩნდა და შემდეგ საცხოვრებელ სახლებზე გადავიდა.

ბორჯომის მერის მოადგილის, ბუბა ბერიძის განცხადებით, ხანძარი ლოკალიზებულია და სალიკვიდაციო სამუშაოები მიმდინარეობს. ადგილზე ხუთი სახანძრო–სამაშველო ჯგუფი მუშაობს.





[ნუკა სტეფნაძე, ბორჯომი]