რესტორან ‘რჩეულში’ ხანძარი ლოკალიზებულია

ფოტო: ტელეკომპანია ბორჯომი

„თავიდან საკვამურიდან ამოდიოდა კვამლი, შემდეგ სახურავი გადავხსენით და ვნახეთ, რომ შეკიდულ ჭერს ეკიდა ცეცხლი. ლოკალიზებულია, მიმდინარეობს სალიკვიდაციო სამუშაოები“,– გვითხრეს საგანგებო სიტუაციების მართვის სამსახურში.

ხანძრის შედეგად რესტორანის ჭერი მთლიანად დაიწვა. ამ ეტაპზე ხანძარის ლიკვიდაციაზე ოთხი სამაშველო ჯგუფი მუშაობს.

ბროჯომში რესტორანში ცეცხლი დღეს, 23 ნოემბერს, საღამოს გაჩნდა.

მომხდართან დაკავშირებით გამოძიება სისხლის სამართლის კოდექსის 187-ე მუხლის მეორე ნაწილის "ა" ქვეპუნქტით დაიწყო. აღნიშნული ნორმა ცეცხლის წაკიდებით, აფეთქებით ან სხვა საყოველთაოდ საშიში საშუალებით ნივთის დაზიანებას ან განადგურებას გულისხმობს და სამიდან ხუთ წლამდე თავისუფლების აღკვეთით ისჯება.

[მარიამ ბარძიმაძე, ბორჯომი]