საქართველოში ყირიმ-კონგოს 11 შემთხვევიდან 6 სამცხე-ჯავახეთშია აღრიცხული

ფოტო: სურსათის ეროვნული სააგენტო

2020 წლის, იანვარი-ივნისის განმავლობაში მთელს საქართველოში ყირიმ-კონგოს სულ 11 შემთხვევა გამოვლინდა, მათგან უმრავლესობა, 6 შემთხვევა სამცხე-ჯავახეთშია.

წელს დაავადებამ ოთხი მუნიციპალიტეტი მოიცვა. მათგან:
ახალციხე (სოფელი ივლიტა) - 3 შემთხვევა;
ადიგენი (სოფელი არალი) – 1 შემთხვევა;
ასპინძა (დაბა ასპინძა) – 1 შემთხვევა;
ახალქალაქი (სოფელი გოგაშენი) – 1 შემთხვევა.



2019 წელს, ქვეყნის მასშტაბით სულ 8 შემთხვევა დაფიქსირდა, მათგან 4 სამცხე-ჯავახეთში:

ახალციხე (სოფელი მუგარეთი, ვალე) – 2 შემთხვევა;
ასპინძა (დაბა ასპინძა) – 1 შემთხვევა;
ადიგენი (სოფელი ვარხანი) – 1 შემთხვევა.



2018 წელს საქართველოში ყირიმ-კონგოს სულ 12 შემთხვევა აღირიცხა, მათგან 7 სამცხე-ჯავახეთში:

ახალციხე (სოფლები ჭვინთა, სვირი) – 2 შემთხვევა;
ასპინძა (სოფლები იდუმალა, რუსთავი(2) დაბა ასპინძა) - სულ 4 შემთხვევა;
ადიგენი (სოფელი აბასთუმანი) – 1 შემთხვევა.



„სამცხე-ჯავახეთში კერა გვაქვს საკმაოდ მძლავრი და ვცდილობთ, რომ ვმართოთ სიტუაცია, უყურადღბოდ არ ვტოვებთ“, - აცხადებენ დაავადებათა კონტროლის ეროვნულ ცენტრში.

სურსათის ეროვნული სააგენტო ცხოველთა დამუშავებას მხოლოდ იმ დასახლებებში ახდებს, სადაც დაავადება დაფიქსირდება. ფერმერი ვალდებულია თავად იზრუნოს როგორც პირუტყვის, ასევე ცხოველთა სადგომის დეზინფექციაზე ტკიპების წინააღმდეგ.

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე (ტკიპა ცხოვრების ციკლიდან გამომდინარე წლის თბილ და ცხელ პერიოდში აქტიურდება) ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ, პროფილაქტიკის მიზნით, მინდორში მუშაობისას ატარონ დახურული ტანსაცმელი და ფეხსაცმელი, ხოლო დაავადების ნიშნების გამოვლენის შემთხვევაში დაუყონებლივ მიმართონ ექიმს.

ამავე თემაზე ნახეთ:


[თაკო ფეიქრიშვილი, ახალცხე]