გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

ეროვნულ გამოცდებთან დაკავშირებით პრემიერ-მინისტრმა გიორგი გახარიამ დღეს, ორ ივლისს გამართულ მთავრობის სხდომაზე ისაუბრა. მისი თქმით რეკომენდაციები ჯანდაცვის მსოფლიო ორგანიზაციისგან მიიღეს.

„გამოცდის ჩაბარების პერიოდში აბიტურიენტს ექნება შესაძლებლობა რომ პირბადე მოიხსნას, რადგან იქ დისტანცია იქნება დაცული. რა თქმა უნდა ფანჯრები ყველგან უნდა იყოს ღია.

იმ შემთხვევაში თუ საგამოცდო ოთახში ტემპერატურა ავა 30 გრადუსამდე, შესაძლებელი იქნება კონდიციონერის ჩართვა. ეს რეკომენდაციები მიღებული გვაქვს ჯანდაცვის მსოფლიო ორგანიზაციისგან და ფაქტობრივად სრულად კომფორტულ გარემოს შევუქმნით ჩვენს აბიტურიენტებს, რომ მაქსიმალურად გამოავლინონ თავიანთი ცოდნა და წარმატებით ჩააბარონ გამოცდები“, – განაცხადა გიორგი გახარიამ.

ერთიანი ეროვნული გამოცდები 6 ივლისიდან იწყება.

[sknews.ge]