საზღვარგარეთ თვითდასაქმებული საქართველოს მოქალაქეები კომპენსაციას მიიღებენ

შესაბამისი ცვლილება მთავრობის N388 დადგენილებაში შევიდა.

დოკუმენტის მიხედვით, კომპენსაციას მიიღებენ უცხოეთში თვითდასაქმებული ის მოქალაქეები:

– რომლებსაც 2019 წელს უფიქსირდებათ საზღვრის კვეთა არანაკლებ 60-ჯერ;

ანდა

– 2019 წლის მარტის თვიდან ოქტომბრის თვის ჩათვლით პერიოდში უფიქსირდებათ საქართველოს ფარგლებს გარეთ ყოფნა 30-იდან 120 კალენდარული დღის ჩათვლით.

ასეთ მოქალაქეებს საქართველოს შინაგან საქმეთა სამინისტროს ინფორმაციის (საზღვრის კვეთა) საფუძველზე ეძლევათ შესაძლებლობა, სარეგისტრაციო პორტალზე დარეგისტრირდნენ კომპენსაციის მიმღებ პირებად. დარეგისტრირების ბოლო ვადა 2020 წლის 15 ივლისია.

კორონავირუსის პანდემიის შედეგად დაზარალებულთა, საქართველოს მთავრობის მიერ ინიცირებული კომპენსაციების მიღების სარეგისტრაციო ფორმა იხილეთ აქ.

[თაკო ფეიქრიშვილი]