მუნიციპალური განვითარების ფონდმა ლოგო შეცვალა

საქართველოს მუნიციპალური განვითარების ფონდში აცხადებენ, რომ ფონდის რებრენდინგი კომპანია branding.ge-თან ერთად განხორციელდა. რებრენდინგის პროცესმა, ძირითადად, ფონდის ვიზუალური ნაწილი - ლოგო, კორპორტიული სტილი და ფერები მოიცვა.

მათივე განცხადებით, ლოგოტიპის სიმბოლო ფონდის საქმიანობიდან გამომდინარე შეირჩა. რადგან ფონდი მნიშვნელოვან ინფრასტრუქტურულ პროექტებს მთელი საქართველოს მასშტაბით ახორციელებს, ამიტომ ახალი ლოგო ვიზუალურად საქართველოს რუკის ასოციაციას ქმნის. ლოგოს შემადგენელი ელემენტები, რომელიც, ამ შემთხვევაში, საქართველოს სხვადახვა რეგიონებია, დინამიურად ერწყმის ერთმანეთს და ქმნის ერთ მთლიანობას - საქართველოს რუკას.

"წარმოდგენილი გარფიკა იძელევა სისტემური განვითარების აღქმას და, შესაბამისად, ლოგო სანდოობის და სიძლიერის გამომხატველია. ჩვენთვის მნიშნელოვანი იყო ფონდის ლოგოდან და კორპორატიული ელემენტებიდანაც ნათელი ყოფილიყო, რომ მგფ ზრუნავს მთელი საქართველოს მასშტაბით ინფრასტრუქტურისა და რეგიონების განვითარებაზე. შესაბამისად, შეიქმნა ახალი ლოგო, რომელიც მუნიციპალური განვითარების ფონდისთვის გახდება საკომუნიკაციო მესიჯი. ახალი ლოგო უნდა გახდეს უნიკალური ნიშანი, რომელიც საზოგადოებას დაეხმარება, მოახდინოს მუნიციპალური განვითარების ფონდის იდენტიციკაცია", - აცხადებენ საქართველოს მუნიციპალური განვითარების ფონდში.

[sknews.ge]