ასპინძაში რაგბის სტადიონთან მისასვლელი გზის რეაბილიტაცია მიმდინარეობს

დღეს სამუშაო პროცესს ფონდის აღმასრულებელი დირექტორი ჯუანშერ ბურჭულაძე დაესწრო.

მუნიციპალური განვითარების ფონდის ინფორმაციით, ასპინძაში რაგბის სტადიონამდე მისასვლელ არსებული გზაზე ამჟამად გრუნტის საფარია, მისი სიგრძე 2 კმ-ს აღემატება, შესაბამისად ამ გზით სარგებლობისას, განსაკუთრებით წვიმიან ამინდში, სირთულეები ექმნებათ როგორც ფეხით მოსიარულეებს ისე ავტომობილებს.

"პროექტი ითვალისწინებს 2 ფენიანი ა/ბეტონის საფარის დაგებას, რომლის სიგანე 6 მ იქნება. გზის ვაკისიდან, წყლის არინების მიზნით, ხელოვნური ნაგებობები მოეწყობა და ჩატარდება შესაბამისი უსაფრთხოების ღონისძიებები. ობიექტზე დასაქმებულია 30 - მდე ადამიანი და სამუშაოები სრული დატვირთვით მიმდინარეობს", – აცხადებენ მუნიციპალური განვითარების ფონდში.

პროექტი ევროპის საინვესტიციო ბანკის ფინანსური მხარდაჭერით მიმდინარეობს და მისი ღირებულება მილიონ ლარს სცდება.

[sknews.ge]