სოფელ კლდეში სასმელი წყლის სისტემას რეაბილიტაცია ჩაუტარდება

სასმელი წლის ქსელის სარეაბილიტაციო სამუშაოებისთვის ტენდერი 2 ივნისს გამოცხადდა. ამ ეტაპზე, შერჩევა-შეფასება მიმდინარეობს.

ტენდერში მონაწილეოობა ერთმა კომპანიამ შპს „ლაზარე 2008“-მ მიიღო, მან მერიას სამუშაოების შესრულება 290 000 ლარად შესთავაზა.

სატენდერო დოკუმენტაციის მიხედვით, პროექტი ითვალისწინებს სოფლის ახალი, მთავარი გამანაწილებლის მოწყობას და იქიდან სოფლის სამხრეთისა და სამხრეთ–აღმოსავლეთის მხარეს მცხოვრებ მოსახლეობის სასმელი წყლით მომარაგებას. საპროექტო გამანაწილებელი წყალს მიიღებს არსებული 250მ3–რეზერვუარიდან, რომელიც მდებარეობს სოფელის ზედა უბანში.

იმის შესახებ, რომ კლდეში სასმელი წყლის პრობლემაზე ადგილობრივები ჩიოდნენ „სამხრეთის კარიბჭემ“ მასალა არაერთხელ მოამზადა.


სოფელ კლდეში მოსახლეობის ნაწილს 4 თვეა სასმელი წყალი არ აქვს

‘ცენტრალურ გზას გადავკეტავთ’ - კლდეში მცხოვრებლები უწყლობას აპროტესტებენ

[მარიამ ბარძიმაძე, ახალციხე]