‘ჩვენ არ გაძალებთ ბოდიშის მოხდას, მაგრამ ვთვლით, ეს სწორი ნაბიჯი იქნება’ - გავრილოვი 20–21 ივნისის მოვლენებზე

გავრილოვი ვიდეო მიმართვაში ამბობს, რომ საქართველოს მოქალქეებმა საშულება უნდა მისცენ ხელისფლებას, რომ წესრიგი დაამყარონ ქვეყანაში.
ასევე, შეაჩერონ ისინი რომლებიც, გასულ წელს სახელმწიფო გადატრილებაზე წავიდნენ "ანტიქრისტიანული და რუსოფობიური ლოზუნგებით".

"ჩვენ არ გაძალებთ ბოდიშის მოხდას, მაგრამ ვთვლით, ეს სწორი ნაბიჯი იქნება. საუკუნოვანი ურთიერთობის დანგრევისკენ მიმართულ ბინძურ პროვოკაციაში დამნაშვეებმა აუცილებლად უნდა აგონ პასუხი. ბოდიში უნდა მოიხადონ. დარწმუნებული ვარ, ჩვეულებრივმა ხალხმა უნდა მისცეს დავალება და შესაძლებლობა ჩვენთვის ახლო ქვეყნის ხელისუფლებას, რომ საბოლოოდ აღადგინონ წესრიგი და კანონი, დემოკრატიული უფლებები, შეაჩერონ ისინი, ვინც წინა წელს მკრეხელობაზე წავიდა, წავიდა სახელმწიფო გადატრიალებაზე დაუფარავად ანტიქრისტიანული ლოზუნგებით. ჩვენი წმინდა, ტრადიციული ოჯახური ღირებულებების შელახვის ლოზუნგებით, რუსოფობიური ლოზუნგებით — ზიზღით ძმების მიმართ, რომლებიც აქვე, რამდენიმე ასი კილომეტრის მოშორებით, ჩრდილოეთით ცხოვრობენ. ეს უნდა დაგმონ არა მხოლოდ მართლმადიდებელმა დეპუტატებმა, არამედ საქართველოს ხელისუფლებამაც", - ამბობს გავრილოვი.

20 ივნისს საქართველოს პარლამენტის სხდომათა დარბაზში, თავმჯდომარის ტრიბუნასთან რუსეთის ფედერაციის დეპუტატ სერგეი გავრილოვის გამოჩენამ, რომელიც პარლამენტში მართლმადიდებლობის საერთაშორისო ასამბლეის სხდომის ფარგლებში იმყოფებოდა, საზოგადოების დიდი პროტესტი და ანტისაოკუპაციო აქციის გამართვა განაპირობა. პარლამენტის წინ შეკრება-მანიფესტაცია რამდენიმე საათის განმავლობაში მშვიდობიანად მიმდინარეობდა, თუმცა სიტუაცია მას შემდეგ დაიძაბა, რაც აქციის მონაწილეთა გარკვეულმა ნაწილმა პარლამენტის შენობაში შესვლა სცადა. აღნიშნულს სამართალდამცავებსა და პროტესტის მონაწილეთა ნაწილს შორის ფიზიკური დაპირისპირება მოჰყვა.

ოფიციალური მონაცემებით, 20-21 ივნისს 275 ადამიანი დაზარალდა, მათ შორის იყო 187 სამოქალაქო პირი, 40-მდე ჟურნალისტი, 73 პოლიციის თანამშრომელი. მიყენებული დაზიანებების გამო, ქირურგიული ჩარევა 28 პირს დასჭირდა. ასევე დადასტურებულია, რომ რეზინის ტყვიით გამოწვეული ტრავმის შედეგად, ორმა დემონსტრანტმა დაკარგა ცალი თვალი, რამდენიმე დაზარალებულს მნიშვნელოვნად დაუზიანდა მხედველობა.

საპროტესტო აქციები 20 ივნისის შემდეგ სამი თვის განმავლობაში იმართებოდა, აქციის მონაწილეების მთავარი მოთხოვნა არჩევნების წესის ცვლილება, დაკავებულების განთავისუფლება და გიორგი გახარიას გადადგომა იყო. მათი მოთხოვნის მიუხედავად, ქართული ოცნების” ლიდერმა, ბიძინა ივანიშვილმა გიორგი გახარია პრემიერ-მინისტრობის კანდიდატად წარადგინა.

[sknews.ge]