ნინოწმინდელი ინფიცირებული კაცის ოჯახის წევრების ანალიზის პასუხი ცნობილია

ახალციხის საზოგადოებრივი ჯანდაცვის ცენტრის განცხადებით, 44 წლის ინფიცირებული კაცის ოჯახის წევრებს COVI-19 არ აღმოაჩნდათ.

„ოთხივე პირის ანალიზის პასუხი უარყოფითია, ცოტა ხანში დატოვებენ საკარანტინო ზონას და სახლში გავუშვებთ. ჩვეულ რეჟიმში გააგრძელებენ ცხოვრებას, თვითიზოლაცია აღარ დაჭირდებათ“,– გვითხრა ახალციხის საზოგადობრივი ჯანდაცვის ცენტის ხელმძღვანელმა ფატი ხაბულიანმა.

ყაურმაში მცხოვრები ინფიცირებული კაცის ოჯახის წევრები covid-19-ზე გუშინ შეამოწმეს, პასუხი კი დღეს გახდა ცნობილი.

კორონავირუსით ინფიცირებული კაცი გუდაურის საკარანტინო სივრციდან 31 მაისს გამოუშვეს. ნინოწმინდის საზოგადებრივი ჯანდაცვის ცენტრის ინფორმაციით, ექიმებს ანალიზის პასუხები აერიათ, რის გამოც ინფიცირებული, როგორც ჯანმრთელი ისე გამოუშვეს. სასწრაფო სამედიცინო დახმარების ჯგუფმა ინფიცირებული ორი დღის შემდეგ, პოლიციის თანხლებით გორის სამხედრო ჰოსპიტალში გადაიყვანა, მას შემდეგ სოფელში ჩატარდა თერმოსკრინინგი, სამი ადგილობრივი კი COVID-19–ზე შეამოწმეს. 44 წლის კაცთან კოტაქტში მყოფ პირებს ინფექცია არ დაუდასტურდათ.

1–ელი ივნისიდან ახალციხეში „ცხელების ცენტრი“ გაუქმდა, ამის შემდეგ COVID-19-ზე საეჭვო პაციენტები გორის ჰოსპიტალში გადაჰყავთ, 17 დღის განმავლობაში საკარანტინო სივრცეში ინფიცირების მხოლოდ ერთი შეთხვევა გამოვლინდა. პაციენტს კორონავირუსი ჰოსპიტალში გადაყვანის შემდეგ დაუდგინდა.

„ახლა ჩვენთან არის 53 ვიზიტორი, ამ დროს განმავლობაში ჩვენს საკარანტინო ზონაში აღებული ნაცხის ანალიზი არ ყოფილა დადებითი, გვყავდა ერთი, რეფერალი, რომლიც შემოვიდა 7 ივნისს და რადგან მას უცხოთში ინფიცირებულთან კონტაქტი ჰქონდა, 11 ივნისს, გორის ჰოსპიტალში გადაივიყვანეთ, გორში აუღეს ანალიზი და იქ დაუდასტურდა“,– გვითხრეს ახალციხის საკარანტინო ზონაში.

საქართველოში კორონავირუსისი პირველი შემთხვევა მიმდინარე წლის 26 თებერვალს დაფიქსირდა. ამ დროის მონაცემებით საქართველოში კორონავირუსის ინფიცირების 888 შემთხვევა დაფიქსირებული, აქედან 731 გამოჯანმრთელდა, ხოლო 14 გარდაიცვალა, სულ კარანტინის რეჟიმში 2 710 მოქალაქე იმყოფება, სტაციონალური მეთვალყურეობის ქვეშ კი 267.

[ნუკა სტეფნაძე, ახალციხე]