ახალციხის სკოლებში 46 ოქროსა და 6 ვერცხლის მედლის კანდიდატი მოსწავლეა

სასწავლო წელი 12 ივნისს დასრულდა. ახალციხის მუნიციპალიტეტში არსებულ სკოლებს უკვე აქვთ სია თუ ვინ იქნებიან 2020-2021 სასწავლო წლის ოქროსა და ვერცხლის მედალოსანი მოსწავლეები.

ქალაქის სკოლების 265 კურსდამთავრებულიდან ოქროს მედალს 46, ხოლო ვერცხლისას 6 აიღებს.

ახალციხის N1 საჯარო სკოლას წელს 13 ოქროსა და 3 ვერცხლის მედალოსანი ჰყავს;

ახალციხის N5 საჯარო სკოლას 19 ოქროსა და 1 ვერცხლის მედალოსანი;

მეექვსე საჯარო სკოლას 3 ოქროს მედალოსანი;

მეორე საჯარო სკოლას 2 ოქროს მედალოსანი;

მესამე საჯარო სკოლას 7 ოქროს და 2 ვერცხლის მედალოსანი;

კერძო სკოლა „მზექას“ 2 ოქროს მედალოსანი.

რაც შეეხება მთლიანად მუნიციპალიტეტს, ახალციხის საგანმანათლებლო რესურსცენტრის ხელმძღვანელის, ხათუნა ხმალაძის თქმით, მთლიანი მონაცემის დამუშავება ამ დრომდე მიმდინარეობს.

[მარიამ ბარძიმაძე, ახალციხე]