ახალციხეში ოქროსა და ვერცხლის მედლები 69 წარჩინებულ მოსწავლეს გადასცეს

დაჯილდოების ცერემონია მესხეთის თეატრის მცირე დარბაზში გაიმართა. 69 კურსდამთავრებულიდან 50–მა ოქროს, 19–მა კი ვერცხლის მედალი მიიღო. მოსწავლეებს მედლები ახალციხის საგანმანათლებლო რესურსცენტრის ხელმღძვანელმა ხათუნა ხმალაძემ, ადგილობრივი თვითმმართველობისა და სამხარეო ადმინისტრაციის წარმომადგენლებმა გადასცეს.

„ძალინ მიხარია, რომ ოქროს მედალი მივიღე. ამაში დიდი წვლილი მიუძღვით ჩემ მასწავლებლებს“, – ამბობს ახალციხის მესამე სკოლის კურსდამთავრებული, ჰოვიკ პეტროსიანი.

მედლების გადაცემის საზეიმო ღონისძიებას ცეკვით, სიმღერებითა და ლექსებით ადგილობრივი ანსამბლები აფორმებდნენ.



[მარიამ ბარძიმაძე, ახალციხე]