ახალციხეში 48 კურსდამთავრებულმა ოქროსა და ვერცხლის მედალი მიიღო

2016–2017 სასწავლო წლების 48 კურსდამთავრებულიდან 36–მა ოქრო, 12–მა კი ვერცხლის მედალი მიიღო.

მედლები გადაეცა ახალციხის N1, N5, N6, ქალაქ ვალის N1 და სოფლების კლდის, სვირის, წყრუთის, ანის, ჭვინთის, პატარა პამაჯის საჯარო სკოლების და ასევე კერძო სკოლა "მზექას" კურსდამთავრებულებს.

მედლები ახალციხის საგანმანათლებლო რესურსცენტრის ხელმძღვანელმა ხათუნა ხმალაძემ, სკოლის დრექტორებთან და ადგილობრივი თვითმმართველობის წარმომადგენლებთან ერთად გადასცა. მედლებთან ერთად კურსდამთავრებულებმა ზოგადი განათლების დამადასტურებელი მოწმობებიც მიიღეს.

მედლების გადაცემის საზეიმო ღონისძიებაზე ახალციხის პირველი სკოლის ქორეოგრაფიული ანსამბლის წევრებმა საცეკვაო ნომრები შეასრულეს. იტალიური სიმღერა "დიჩიტელ ჩელო" იმღერა ამავე სკოლის მოსწვლე ნიკა ბერიძემ.

საგანმანათლებლო რესურსცენტრის ხელმძღვანელის ხათუნა ხმალაძის განცხადებით, უკვე ცნობილია, რომ მუნიციპალიტეტის მასშტაბით, 2017–2018 სასწავლო წლისთვის ოქროსა და ვერცხლის მედლებს 160 მოსწავლე მიიღებს.





[თინათინ ზაზაძე, ახალციხე]