ახალქალაქში მკოიანების ბენზინგასამართ სადგურთან მომხდარი ჩხუბის გამო ერთი პირი დააკავეს

ახალქალაქში ამბობენ, რომ ა.ტ ენზელ მკოიანთან დაახლოებულ პირთან ერთად მონაწილეობდა ჩხუბში, თუმცა მხოლოდ ის დააკავეს.

„დაკავებული ბენზინგასამართი სადგურის თანამშრომელია. ჩხუბის დროს ჩანაწერში მკოიანთან დაახლოებული პირიც ჩანდა, ეგ ამოშალეს ვიდეოდან, ხოლო ის კადრები, სადაც დაკავებული ჩანდა გადასცეს პოლიციას. "მთავარი" წყლიდან სუფთა ამოვიდა“, - გვითხრეს ახალქალაქში.

ახალქალაქში დეპუტატ ენზელ მკოიანის ბენზინგასამართ სადგურთან ჩხუბი 8 მაისს მოხდა. ადგილობრივების განცხადებით, მკოიანებთან დაახლოებული პირი და მისი მეგობრები სოფელ ხოსპიოში მცხოვრებ ახალგაზრდებს ფიზიკურად დაუპირისპირდნენ.

საქმეზე გამოძიება 126-ე ძალადობის და 118-ე ჯანმრთელობის განზრახ ნაკლებად მძიმე დაზიანების მუხლებით მიმდინარეობს.

[მარიამ ბარძიმაძე, ახალქალაქი]