ბიძინა ივანიშვილმა აწყურის ტაძრის სარესტავრაციო სამუშაოები დაათვალიერა

ამის შესახებ ინფორმაციას პირველი არხი ავრცელებს.

ივანიშვილს თან ახლავს ახალციხისა ტაო–კლარჯეთის მიტროპოლიტი თეოდორე ჭუაძე, სამცხე–ჯავახეთში მხარის რწმუნებული ბესიკ ამირანაშვილი და ახალციხე–ადიგენის მაჟრიტარი დეპუტატი გიორგი კოპაძე.

„ძეგლებს შეუზღუდავად ვაფინანსებთ, მოსწრება უნდა, რომ არ ჩამოიშალოს. სიძველეები მაქსიმალურად უნდა შევინარჩუნოთ. ძვირფასი რაც გვაქვს ისტორია გვავქს, როცა უცხოელები მოდიან ისტორიას ვუყვები“, – ამბობს ბიძინა ივანიშვილი.

აწყურის ღვთისმშობლის სახელობის ტაძარი უძველესი ტაძრების ხუთეულში შედის. 42 მეტრის სიმაღლის ტაძრის რესტავრაცია 2016 წელს დაიწყო. უკვე ამოყვანილია კედლები, ახლო მომავალში დაიწყება გუმბათის დაშენება. აღდგენილ ტაძარზე უძველესი დეტალები მაქსიმალურად შენარჩუნდება. ფონდი „ქართუ“ სარესტავრაციო სამუშაოებისთვის 12, 5 მილიონ ლარზე მეტს დახარჯავს.

აწყური პირველ საუკუნეშივე იქცა რელიგიურ ცენტრად. ტაძრის დღევანდელი ნაშთები აგებული უნდა იყოს მე-10 მე-11 საუკუნეებში. როგორც ცნობილია, აქ დიდი ხნის განმავლობაში იყო დაბრძანებული აწყურის ღვთისმშობლის ხელთუქმნელი ხატი.

[sknews.ge]