სომხურ სამოციქულო ეკლესიაში ღვთისმსახურება მრევლთან ერთად აღევლინება

სამცხე–ჯავახეთისა და წალკის სომეხთა სამოციქულო მართლმადიდებლურმა ეკლესიამ საჯარო ღვთისმსახურება 24 მაისიდან აღადგინა.

„გუშინ 11:00 საათზე ჩავატარეთ პირველი წირვა, ჩვეულებრივად, როგორც ადრე, მრევლთან ერთად შეზღუდვების გარეშე. რადგან რესტორნები არ მუშაობენ, არამგონია რომ ქორწილის ცერემონიის ჩატარების საჭიროება იყოს, მაგრამ ნათლობას რეგულაციების დაცით ჩავატარებთ“, – გვითხრა მღვდელმა თორგომ ვარდანიანმა.

მისი თქმით, საჭიროების შემთხვევაში, შეზღუდვებს ისევ დააწესებენ.

18 მარტიდან სამცხე–ჯავახეთისა და წალკის სომეხთა სამოციქულო მართლმადიდებლური ეკლესია კორონავირუსის პრევენციის მიზნით, წირვას მრევლის გარეშე „კარდახურული“ ატარებდა, ასევე არ იმართებოდა ქორწინებისა და ნათლობის ცერემონიებიც. დაკრძალვის შემთხვევაში ცერემონია მხოლოდ საფლავზე სრულდებოდა.

[რიმა სარუხანიანი, ახალციხე]