‘დახოცილი ქათმები მიწაში ჩავმარხეთ’ - ახალქალაქის მერია

დახოცილი ქათმების შესახებ jnews.ge-მ დაწერა. მათი ინფორმაციით, ფრინველები ადგილობრივებმა სოფელ ხანდოსთან ნახეს. ახალქალაქის მერის, იურიკ უნანიანის თქმით, ქათმები სოფელ ბავრას გზაზე იყო მიმოფანტული და უკვე მიწაში ჩამარხეს: „სოფელ ბავრას გზაზე იყო დაყრილი, დახოცილი ქათმები. მე დავუბარე - აკრიფეს და ჩამარხეს მიწაში. სურსათის სამსახურიც იყო ჩამოსული, ხანდოზე არაფერი გამიგია“, – ამბობს ახალქალაქის მერი.

მისივე თქმით, რამ გამოიწვია ქათმების დახოცვა, ან ვის ეკუთვნოდა ფრინველები უცნობია. სოფლებში ამბობენ, რომ ქათმები ადგილობრივების არ იყო და ისინი იმ გამყიდველებმა გადაყარეს, რომლებიც წინა დღეებში ქათმებს ყიდდნენ.

[რიმა სარუხანიან, ახალქალაქი]