‘მოსწავლე ქულას კომპლექსური დავალების საშუალებით აიმაღლებს’ - მინისტრი

მინისტრის თქმით, პირველ ეტაპზე კომპლექსურ დავალებებს მე–12 კლასელები მიიღებენ.

„ მე–12 კლასის მოსწავლეებისთვის, რომლებსაც არ აკმაყოფილებთ განსაზღვრული წლიური ქულა, ჩვენ გვაქვს ჩაშენებული ამ სისტემაში ქულის ამაღლების საშუალება. 2020 წლის 21 მაისიდან 29 მაისის ჩათვილით, ისინი ან მათი კანონიერი წარმომადგენელი აფიქსირებს, რომ მოსწავლეს სურს აიმაღოს ნიშანი. ამ შემთხვევაში, სკოლის ადმინსიტრაცია 2020 წლის 19 ივნისამდე მოსწავლეს აძლევს შემაჯამებელ კომპლექსურ დავალებას, რომლის საფუძველზეც მოხდება შეფასება“,– განაცხადა ჩხენკელმა.

მისივე თქმით, ქულის ამაღლების საშუალება ექნებათ იმ მოსწავლეებსაც, რომლებიც სასწავლო პროცესს მე–9 კლასიდან ტოვებენ, თუმცა ისინი დავალებებს დროის განსხვავებულ პერიოდში მიიღებენ.

„რაც შეეხებათ მე–9 კალისს მოსწავლეებს, რომლებიც გადიან სასწავლო პროცესიდან, მათაც ანალოგური მეთოდით შევაფასებთ. ერთადერთი განსხვავება თარიღშია. მე– 9 კლასელებს შეეძლებათ 16 ივნისიდან 19 ივნისის ჩათვლით დააფიქსირონ თავისი სურვილი. ასეთ მოსწავლეებს სკოლის ადმინსიტრაცია 30 ივნისის ჩათვლით მისცემს კომპლესურ დავალებას, რომლის საფუძველზეც მოხდება მოსწავლის შეფასება“, – თქვა ჩხენკელმა.

ყველა სხვა კლასის მოსწავლეს ნიშნის გამოსწორების საშუალება 2020–2021 სასწავლო წლის პირველ სემესტრში შეეძლება.

„დანარჩენი, სხვა მოსწავლეები, ასევე ქულის ამაღლების მოთხოვნით 2020 წლის 16 ივნიისდან 30 ივნისის ჩათვლით მიმართავენ სკოლის ადმინისტრაციას. განსხვავება მდგომარეობს იმაში, რომ ნიშნის გამოსწორების შესაძლებლობა მოსწავლეებს 2020–2021 წლის პირველ სემეტრში მიეცემათ ანუ სექტემბრიდან, ისინი არ გადიან სკოლიდან. სექტემბრიდან მთელი სემესტრი ექნებათ აუჩქარებლად კარგად იმუშავონ კომპლექსურ დავალებაზე“,– თქვა ჩხენკელმა.

განათლების ანტიკრიზისული გეგმის წარდგენისას, განათლების მინისტრამა ასევე განმარტა თუ რას მოიცავს კომპლექსური დავალება.
„კომპლესური დავალება, ეს არის დავალება, რომელიც მოითხოვს შემოქმედებით აზროვნებას. აზროვნებაზე იქნება ორიენტირებული, სადაც მოხდება შეჯამება, როგორც ინფორმაციის, ასევე იმ ინფორმაციის გამოყენებსის თვალსაზრისით და თითოეულ მოსწავლეს ექნება გარკვეული დრო, რომ იმ კომპლექსურ დავალებაზე იმუშაოს დეტალურად, რომლითც შეფასდება, ხოლო უფრო მეტი დეტალები გამოქვეყნდება ჩვენს ვებ–გვერდზე“,– ამბობს ჩხენკელი.

ასევე შეგიძლიათ ნახოთ - როგორ შეფასდებიან სკოლის მოსწავლეები

[ნუკა სტეფნაძე]