'ელექტრონული რიგი, სოციალური დისტანცია იქნება დაცული' - თურნავა სილამაზის სალონების გახსნაზე

„ეს იქნება სულ სხვა პრინციპებზე აწყობილი პროცედურები, ნაკლები ადამიანი იქნება [სალონში], ელექტრონული რიგი, სოციალური დისტანცია იქნება დაცული და ჩვენც პასუხისმგებლიანად უნდა მივუდგეთ ამ საკითხს. როგორც მომხმარებლები. დროული და კარგი გადაწყვეტილებაა, რომელიც წაადგება აქ დასაქმებულ ათასობით ადამიანს“,- განაცხადა თურნავამ.

მისივე თქმით, ამ ეტაპზე საქართველოში არსებული ეპიდემიოლოგიური ვითარება საშუალებას იძლევა, რომ მკაცრის სტანდარეტების დაცვით 18 მაისიდან სილამაზის სალონებში მუშაობა აღდგეს: „მე მჭიდრო კონუმუკაცია მაქვს სილამაზის სალონებთან და იქ დასაქმებულ ადამიანებთან, ვიცი, რომ ძალიან პასუხისმგებლიანად მიუდგნენ ყველა იმ შეზღუდვას, რაც იქნება დაწესებული“.

მთავრობის ექვს ეტაპიანი გეგმის მიხედვით, სილამაზის სალონები 8 ივნისიდან უნდა გახსნილიყო, თუმცა ვადა გადმოიწია.

როგორც „სამხრეთის კარიბჭესთან“ სალონების ფედერაციის პრეზიდენტმა თამუნა შარაშენიძემ განაცხადა, უმჯობესი იქნებოდა სალონები 8 ივნისამდე გახსნილიყო, რადგან სალონური მომსახურება კერძო სახლებში ხდებოდა.

[თაკო ფეიქრიშვილი]