ისრაელთან გვექნება უსაფრთხო მწვანე კორიდორი - გახარია

„ჩვენ რამდენიმე ქვეყანასთან წარმატებული მოლაპარაკებები გვაქვს. მოლაპარაკებები სულ მალე დასრულდება ჩვენთვის მისაღები შედეგით. პირველი ასეთი ქვეყანა იქნება როგორც ჩანს ისრაელი, რომელთანაც ჩვენ გვექნება უსაფრთხო მწვანე კორიდორი, საქართველო სულ მალე მიიღებს ტურისტებს ამ ქვეყნიდან. რა თქმა უნდა ჩვენ ყველაფერს გავაკეთებთ იმისთვის, რომ ვუმასპინძლოთ ისე როგორც ჩვენს ქვეყანას შეეფერება და გავუფრთხილდეთ მათ ჯანმრთელობას“, - თქვა გახარიამ.

მისივე თქმით, მსგავსი მოლაპარაკებები ჩეხეთთან, პოლონეთთან, ბალტიისპირეთის ქვეყნებთან, ასევე ავსტრიასთან, „ყველა ეს მიმართულება იქნება უახლოეს პერიოდში ლოგიკურ დასასრულამდე მიყვანილი, მაგრამ ამისთვის უნდა დავიცვათ უსაფრთხოების ის წესები, რომლებიც კრიტიკულად მნიშვნელოვანი ხდება“.

[მარიამ ბარძიმაძე]