პირველი ივლისიდან საქართველო მზად იქნება, მიიღოს უცხოელი ტურისტები - გახარია

მთავრობის მეთაურის განმარტებით, საერთაშორისო ტურიზმის გახსნისთვის მოლაპარაკებები უკვე მიმდინარეობს.

"ამას ჩვენ გავაკეთებთ, როგორც სახმელეთო საზღვრებზე უსაფრთხო კორიდორების შექმნით ჩვენს მეზობელ ქვეყნებთან, ასევე, გავაკეთებთ უსაფრთხო კორიდორების შექმნის შესაძლებლობით, ორმხრივი მოლაპარაკების თვალსაზრისით ტურისტულად ჩვენთვის საინტერესო ქვეყნებიდან. მოლაპარაკებები უკვე დაწყებულია. კიდევ ერთხელ ვიტყვი რომ საქართველო იქნება ერთ–ერთი პირველი ქვეყანა რომელიც გახსნის თავის საზღვრებს და ინფრასტრუქტურას იმისთვის რომ მიიღოს უცხოეთიდან სტუმრები“, – განაცხადა დღევანდელ ბრიფინგზე გახარიამ.

მისი თქმით, ტურიზმის გახსნისთვის საჭიროა გარკვეული ღონისძიებები, რომელიც მთავრობამ ერთი თვის განმავლობაში უნდა შეასრულოს, მათ შორის იგეგმება ფინანსური დახმარება ტურიზმის სექტორისთვის, რაც ტურიზმის ანტიკრიზისული გეგმითაა განსაზღვრული.

[რობი ზარიძე]