ინფრასტრუქტურის სამინისტრომ ბაკურიანისთვის 10 სამგზავრო ავტობუსი შეიძინა

ახალი ტრანსპორტით ადგილობრივები და დამსვენებლები შემოდგომიდან ისარგებლებენ.

"კარგი და მნიშვნელოვანი პროექტია ბაკურიანისთვის, იმიტომ რომ სერიოზული პრობლემა იდგა. ეს პროექტი ძალიან დაეხმარება ტურისტების გადაადგილების და ზოგადად საცობების პრობლემის მოგვარებას", – ამბობს მთის კურორტების განვითარების კომპანიის დირექტორი, ირაკლი ჭირაქაძე.

ინფრასტრუქტურის სამინისტროს განცხადებით, სამგზავრო ავტობუსებთან ერთად, ფონდს დაგეგმილი აქვს ბაკურიანისთვის თოვლის საწმენდი, სათხილამურო ტრასების მოსაწესრიგებელი, მყარი ნარჩენების მართვის და საცობების პრევენცია-განეიტრალებისთვის საჭირო ტექნიკის შეძენა.

მუნიციპალური ფონდის აღმასრულებელი დირექტორის გიორგი შენგელიას განცხადებით, ბაკურიანის ტექნიკით აღჭურვისთვის 5 მილიონი ევროს დახარჯვა იგეგმება.

[sknews.ge]