ახალციხის სამედიცინო დაწესებულებას ახალი სამედიცინო პერსონალი დაემატა (R)

ზოგადი ქირურგი ელიზბარ პატურაშვილი 22-წლიანი მუშაობის შემდეგ, პროფესიულ საქმიანობას ახალციხის სამედიცინო დაწესებულებაში აგრძელებს.

„რეგიონში კადრების დეფიციტია, ამ მხრივ თბილისი თავკომბალა ქალაქია, ამიტომ უნდა მოხდეს რეგიონალიზაცია ისეთი სერვისების, რომლებიც მხოლოდ თბილისშია ხელმისაწვდომი, - ამბობს „უნიმედი სამცხეს“ ახალციხის სამედიცინო დაწესებულების დირექტორი ვლადიმერ გელაშვილი და ამატებს, რომ მალე ახალციხეში ახლადმოწვეული ქირურგი ახლადგახსნილ ონკოლოგიურ განყოფილებაში, ონკოლოგიურ ოპერაციებსაც გააკეთებს. ამიტომ, ასეთ პაციენტებს, ოპერაციების გასაკეთებლად დედაქალაქში წასვლა აღარ მოუწევთ.

ელიზბარ პატურაშვილის განმარტებით, ახალციხის საავადმყოფოში გაკეთდება ისეთი რთული ოპერაციები, როგორიცაა მაგალითად: კუჭის სიმსივნე, გინეკოლოგიური ოპერაციები გაფართოებული მასშტაბით: „გაკეთდება ნებისმიერი ტიპის რთული ონკოლოგიური ოპერაცია მუცლის ღრუში“.

მისივე თქმით, ახალციხის საავადმყოფოში დაინერგება არა მხოლოდ ონკოლოგიური ოპერაციები, არამედ ოპერაციამდე და ოპერაციის შემდგომი თერაპიული მანიპულაციებიც.

პატურაშვილი, რომელსაც ქირურგიაში თაობები ჰყავს აღზრდილი ამბობს, რომ ახალციხის საავადმყოფოსთან მიმართებაშიც იგივე გეგმები აქვს: „მინდა, რომ ჩამოვაყალიბო კარგი ქირურგიული კოლექტივი და ასევე, მინდა, რომ ჩემი გამოცდილება ახალგაზრდებსაც გავუზიარო“.

ახალციხის სამედიცინო დაწესებულებაში მომავალში ახალი სამედიცინო სერვისების დამატებაც იგეგმება, მათ შორისაა ლაპარასკოპიული ქირურგია: „ლაპარასკოპიული ქირურგია, ანუ ე.წ „უსისხლო ოპერაცია“ დღესდღეობით ოპერაციული ჩარევის ყველაზე ხშირად გამოყენებადი მეთოდიკაა, რომლის დროსაც ოპერაცია 5-10 მმ-ნი განაკვეთებით კეთდება. ამ მეთოდს 21-ე საუკუნის ქირურგიასაც უწოდებენ“, - ამბობს გელაშვილი.