პირდაპირი ფულადი დახმარება ფერმერებს200–დან 1000 ლარამდე თანხას მიიღებენ მცირემიწიანი ფერმერები 0,25 დან – 10 ჰექტრამდე მიწაზე. ფულადი დახმარებით ისარგებლებენ ის ფერმერები, რომლებსაც მიწის ნაკვეთები მფლობელობაში აქვთ. გეგმის ამ პუნქტით განსაზღვრულია 200 000–მდე ფერმერის დახმარება რისთვისაც ბიუჯეტიდან 37 მილიონი ლარი დაიხარჯება.
ამავე ფერმერისთვის იგეგმება დიზელის ტიპის საწვავის გაიაფება. 0,5 ჰა–დან 10 ჰექტრამდე მიწის მფლობელ ფერმერებს საშუალება ექნებათ ერთ ჰექტარზე 150 ლიტრამდე საწვავი 1 ლარით იაფად შეიძინონ.
სოფლის მეურნეობის ანტიკრიზისული გეგმის მიხედვით, შეღავათები გავრცელდება სამელიორაციო მომსახურებაზეც. 42 000 მდე ფიზიკური და იურიდიული პირი 2020 წელს სრულად გათავისუფლდება 10 ჰექტრამდე მიწის ნაკვეთების სამელიორაციო საფასურისგან, რისთვისაც ბიუჯეტიდან 13 მილიონი ლარის რესურსია გათვალისწინებული.
სექტორული დახმარება ფერმერებსარაუმეტეს 50 000 ლარის შემთხვევაში, სასოფლო–სამეურნეო ტექნიკის შესაძენად, ახალი სასათბურე მეურნეობის მოსაწყობად/არსებულის განსაახლებლად და ერთწლიანი სასოფლო–სამეურნეო კულტურებისთვის სარწყავი სისტემების შესაძენად, ბიუჯეტიდან ფერმერები 50%–იან თანადაფინანსებას მიიღებენ, ამისთვის მთავრობის პროგნოზით 10 მილიონი ლარი დაიხარჯება.
გარდა ამისა, უკვე არსებული პროგრამები, კრიზისის პერიოდში ფერმერებს შესთავაზებენ განსხვავებულ პირობებს. იგეგმება აგროკრედიტის ფარგლებში 5 000–დან 100 000 ლარამდე სესხების საპროცენტო განაკვეთის განულება აგრომეწარმეებისთვის. 20 ათასიდან მილიონ ნახევარ ლარამდე სესხები მეწარმეებს 48–თვიან პერიოდში 8–ის ნაცლვად 11-12%–ით დაუფინანსდებათ. 10% იქნება თანადაფინანსება სასურსათო მრეწველობის ხელშეწყობისთვის აღებულ სესხებზე – 1 500 000 ლარიდან 5 მილიონამდე. ამისთვის ბიუჯეტიდან 74 მილიონია გათვალისწინებული.
სახელმწიფო ბიუჯეტიდან 1,5 მილიონი ლარი მოხმარდება საერთაშორისო სტანდარტების დანერგვას. არაუმეტეს 15 000 ლარზე 50%–იანი თანადაფინანსებით ისარგებლებენ მეწარმეები, რომლებსაც კოოპერატივის აღჭურვუილობა, სურსათის საერთაშორისო სტანდარტის დანერგვა ან კოოპერატივის ბუღალტრული დახმარება დასჭირდებათ (აღნიშნული თანადაფინანსებით ისარგებლებენ მხოლოდ ის ბენეფიციარები, ვინც აქამდეც სარგებლობდა სახელმწიფო სასოფლო სამეურნეო პროგრამებით).
30 ჰექტრამდე მარცვლეულის და 5 ჰა–მდე დანარჩენი კულტურების დაზღვევის თანადაფინანსებისთვის 9 მილიონი ლარია მობილიზებული. მთავრობა დაზღვევის ხარჯებს 70%–მდე დააფინანსებს(ვაზის შემთხვევაში 50%).
საქართველოს ექვს რეგიონში იგეგმება მერძევეობის ხელშეწყობა, რისთვისაც 42 მილიონი ლარია განაწილებული. სხვადასხვა კატეგორიისთვის მთავრობა გეგმავს მერძევეობის ხელშეწყობისთვის 40-80%–იან თანადაფინანსებას 26 ათასი ლარიდან 137 000 ლარამდე.
ასევე, სასოფლო–სამეურნეო კოოპერატივები ისარგებლებენ სახელმწიფო გრანტებით:
თაფლისა და რძის გადამამუშავებელი საწარმოების თანადაფინანსება 70%–მდე იგეგმება ახალქალაქის, გორის, დმანისისა და დუშეთის მუნიციპალიტეტებში.
მევენახეობის და მერძევეობის დარგის კოოპერატივებისთვის 90% თანადაფინანსება იქნება შესაძლებელი 150 000 დან 500 000 ლარამდე.
მთავრობის გათვლებით სოფლის მეურნეობის ანტიკრიზისული გეგმა 20 მაისიდან ამოქმედდება და დახმარებით 200 000–მდე ბენეფიციარი ისარგებლებს.
[რობი ზარიძე, ახალციხე]