აბასთუმანი და ბორჯომი კოვიდისგან უსაფრთხო ზონებად მოიაზრება

„მოგეხსენებათ რომ საქართველოს აქვს შესაძლებლობა გამოყოს კოვიდისგან უსაფრთხო ზონები. ეს შეიძლება იყოს საირმე, აბასთუმანი, ბორჯომი, წყალტუბო განსაკუთრებით ის კურორტები, რომლებიც ისტორიულად პოზიციონირებდნენ როგორც სასუნთქი ორგანოების რეაბილიტაციისთვის აუცილებელი ზომები“, – განაცხადა პრემიერმა.

მისივე თქმით, უსაფრთხო ტურიზმის ასამოქმედებლად პირველ რიგში, აუცილებელია საზღვრების კონტროლი “როგორც სახმელეთო, ისე საჰაერო და აქ ჯანდაცვის სამინისტროს უკვე აქვს მიღებული დავალებები, რომ უნდა გაძლიერდეს თითოული ადამიანის კონტროლი, რომელიც ერთ საათში უნდა იყოს დასრულებული. ამის შესაძლებლობები და ტექნოლოგიები არსებობს და ჯანდაცვის სამინისტრო ამ ამოცანას უახლოეს პერიოდში გადაწყვეტს“.

მთავრობის გეგმის მიხედვით, შემდეგი, რაც უნდა გაკეთდეს ტურიზმის უსაფრთხოებისთვის – სასტუმროების მართვა და ტრანსპორტის უსაფრთხოებაა, რაშიც პრემიერის თქმით, ქვეყანას საკმაო გამოცდილება დაუგროვდა ვირუსის მართვის პერიოდში.

საქართველოს მთავრობის პროგნოზით, უსაფრთხო შიდა ტურიზმის ამოქმედებისთვის ქვეყანას მზაობა 15 ივნისიდან ექნება, ხოლო 1–ელი ივლისიდან შევძლებთ უცხოელი ვიზიტორიების მიღებასაც ტურიზმის გახსნისა და ტურისტული ინფრასტრუქტურის ამოქმედებისთვის საქართველოს მთავრობამ 7 მაისს ტურიზმის პოსტკრიზისული გეგმა წარადგინა, რომლიც ითვალისწინებს უსაფრთხო ტურიზმის შექმნის გარდა, ტურისტული ინდუსტრიების ფინანსურ დახმარებასაც, რომელიც ითვალისწინებს გადასახადების შემსუბუქებას და სესხების პროცენტის სუბსიდირებას ტურიზმის სექტორში მომუშავე კომპანიებისთვის.

[რობი ზარიძე]