საზოგადოებრივი ტრანსპორტის აღდგენის შემდეგ, რეკომენდებულია პირბადის გამოყენება – ხათუნა ზახაშვილი

„თუ დაავადებული ადამიანი გამოიყენებს ნიღაბს ის 50–70%–მდე შეამცირებს რისკს რომ გადადოს ჯანმრთელ ადამიანს, ეს შეეხება არამარტო კორონავირუსს არამედ სხვა რესპირაციულ ვირუსებსაც. იმ შემთხვევაში თუ ჯანმრთელი ადამიანი გამოიყენებს ნიღაბს, ნაკლები რისკია მის ცხვირსა და პირზე მოხვდეს ვირუსი, ხოლო თუ ორივე გამოიყენებს ეს რისკი იქნება მინიმალურად შემცირებული“, – აღნიშნა ხათუნა ზახაშვილმა.

მისი განმარტებით, როდესაც საზოგადოებრივი ტრანსპორტის მოძრაობა აღდგება, სასურველია მგზავრებმა დახურულ სივრცეში ნიღაბი გამოიყენენ.

„ჩვენ ვფიქრობთ, თუ დაავადების გავრცელება შენარჩუნდა მომდევნო პერიოდის მანძილზე, მაშინაც კი როდესაც აღდგება ტრანსპორტის მოძრაობა რეკომენდირებული უნდა დარჩეს დახურულ სატრანსპორტო სივრცეში ნიღბის გამოყენება მგზავრების მიერ, რაც შეამცირებს დაავდების გავრცელების რისკს“, – თქვა ზახაშვილმა.

მან ასევე აღნიშნა, რომ სუფთა ჰაერზე სეირნობის საწინააღმდეგო არაფერი აქვს, მაგრამ სავალდებულოა მოქალაქეებმა სოციალური დისტანცია დაიცვან.

„გარეთ სეირნობის და სუფთა ჰაერზე ყოფნის საწინააღმდეგო ჩვენ არაფერი არ გაქვს, კი ბატონო ისეირნეთ, იყავით ფიზიკურად აქტიურები, ოღონდ დაიცავით სოციალური დისტანცია, ნუ იქნებით ახლოს შეჯგუფულები. სოციალური დისტანცირების დაცვა გახსოვდეთ, რომ საჭიროა ყოველთვის ,ეს იქნება ეზოში, ეს იქნება ვერანდაზე ან სხვა რომელიმე ღია სივრცეში“, – აღნიშნა ხათუნა ზახაშვილმა.

მან ასევე განაცხადა, რომ მცირეწლოვანი ბავშვებისთვს ნიღბების ტარება არ არის რეკომენდირებული.

[ნუკა სტეფნაძე]