ფიზიკურ პირებთან მომუშავეები 300 ლარიან დახმარებას ვერ მიიღებენ

ამის შესახებ დევნილთა, შრომის, ჯანმრთელობისა და სოციალური დაცვის მინისტრის მოადგილემ „რუსთავი 2“–ის ეთერში ისაუბრა.

მისი თქმით, იურიდიული პირების მიერ დასაქმებული ადამიანებისთვის საკმარისი იქნება საბანკო ამონაწერი და ცნობა დამსაქმებლისგან, თუმცა მსგავსი ცნობა ფიზიკური პირისგან არ მიიღება.

"ფიზიკურ პირებთან მომუშავე ადამიანები სამწუხაროდ ვერ მიიღებენ დახმარებას, იქიდან გამომდინარე, რომ ფიზიკური პირის მიერ მიღებული დადასტურება ვერ იქნება საკმარისი. იურიდიული პირის მიერ უნდა იყოს ცნობა აუცილებლად გაცემული. იმ შემთხვევაში თუ მძღოლად მუშაობდა ან ტაქსის მძღოლი იყო, ლიცენზია იქნება საკმარისი. თუმცა თუ ის მძღოლად მუშაობდა ოჯახში, ოჯახის წერილი სამწუხაროდ არ იქნება საკმარისი," - აღნიშნა თამარ ბარკალაიამ.

თვითდასაქმებული პირებისთვის ერთჯერადი დახმარებისთვის ბიუჯეტიდან 75 მილიონია გამოყოფილი.

მთავრობის ანტიკრიზისული გეგმის მიხედვით, კრიზისის მართვას 3,5 მილიარდი ლარი მოხმარდება.

[sknews.ge]