‘80 აგრარული ბაზრიდან უმრავლესობა ვერ აკმაყოფილებს მოთხოვნებს’- მინისტრი

დავითაშვილის თქმით დღეს, აღნიშნული ბაზრების უმრავლესობა ამ მოთხოვნებს ვერ აკმაყოფილებს.

„ჩვენ არ უნდა გვქონდეს წარმოდგენა რომ დღეიდან იფუნქციონირებს ყველა ის ბაზარი, რომელიც საქართველოშია რეგისტრირებული ან მიჩვეული ვართ, რომ მუშაობდა. შესაბამისად, ყველა ის აგრარული ბაზარი, რომელიც საჭიროებს მუშაობას, მნიშვნელოვანია, რომ აკმაყოფილებდეს მოთხოვნებს, რომლებიც გაწერილია ამ გაიდლაინებით. ეს ეხება, როგორც მიკვლევადობას მოვაჭრე პერსონალის ჯანმრთელობის მდგომარეობის შესახებ, ასევე პროდუქციის შესვლის და გასვლის სანიტარულ ზედამხედველობას, ეს ეხება სადეზინფექციო სამუშაოების სწორად ჩატარებას, თერმოსკრინინგს, პირბადეების აუცილებლად ტარებას და სხვა იმ მოთხოვნებს, რომლებიც დღეს გაწერილია საგანგებო ვითარების პირობებში“, - ამბობს მინისტრი.

მისივე თქმით, მუნიციპალიტეტებში ბაზრების გახსნის შესახებ გადაწყვეტილებას სურსათის ეროვნულ სააგენტოსთან ერთად იღებს შტაბიც, რომელსაც მხარის რწმუნებულები ხელმძღვანელობენ. მან აღნიშნა, რომ ბაზრების გახსნა ეტაპობრივად მოხდება.

„მუნიციპალიტეტებში, მათ შორის ქალაქ თბილისში, ეტაპობრივად მოხდება იმ აგრარული ბაზრების ფუნქციონირების აღდგენა, რომლებიც ამ მომენტისთვის არ მუშაობდა. ზოგიერთ მუნიციპალიტეტში აგრარული ბაზარი მუშაობდა იმ წესების დაცვით, რომლებიც იყო გაწერილი.

ბაზრები, რომელებიც აკმაყოფილებენ ახალ სტანდარტებს, რა თქმა უნდა კავშირში არიან სურსათის ეროვნულ სააგენტოსთან და საბოლოო გადაწყვეტილებას სურსათის ეროვნული სააგენტოსთან ერთად იღებს ადგილზე მოქმედი შტაბები, რომლებიც თითოეული რეგიონში გუბერნატორების ხელმძღვანელობით არის შექმნილი“.

ცნობისთვის, დღეიდან 27 აპრილიდან, აღდგება მსუბუქი მანქანებით და ტაქსებით გადაადგილება, გარდა ამისა გაიხსნება ღია ტიპის აგრარული ბაზრები და დაიშვება ონლაინ ვაჭრობა.

[მარიამ ბარძიმაძე]