რეგიონებში ავტომობილებით გადაადგილებაზე შეღავათები დაწესდა

ინფორმაცია ამის შესახებ ახალციხის მერმა, ზაზა მელიქიძემ დაგვიდასტურა.

მისი თქმით დილის 06:00-დან 08:00 საათამდე და საღამოს, 18:00 – 19:00 - მდე დასაშვები იქნება ნებისმიერი ტრანსპორტის გადაადგილება მხოლოდ მიზნობრივად, სამეურნეო სამუშაოების განხორციელების მიზნით.

„ეს დაშვება არამარტო ჩვენთან, მთელი საქართველოს მასშტაბით დაწესდა. დღის სხვა მონაკვეთებში იმოქმედებს იგივე შეზღუდვა, რაც აქამდე იყო, ხოლო რაც შეეხება სასოფლო სამეურნეო ტექნიკას, მათი მოძრაობა კვლავ დასაშვებია დღის ნებისმიერ დროს. დროის ამ მონაკვეთებში [06:00–08:00 და 18: 00 – 19:00] კი დასაშვები იქნება ნებისმიერი ტრანსპორტის მოძრაობა“.

გადაადგილების დროს დაცული უნდა იყოს მსუბუქი ავტომობილით მგზავრთა გადაადგილების უსაფრთხო წესები (არაუმეტეს 3 პირი, პირბადით).

მთავრობის გადაწყვეტილებით მსუბუქი ავტომობილების გადაადგილება მთელი ქვეყნის მასშტაბით თავდაპირველად 17 აპრილიდან 21 აპრილამდე აიკრძალა, გუშინ მიღებული გადაწყვეტილებით კი შეზღუდვა 27 აპრილამდე გახანგრძლივდა. ქვეყნის მასშტაბით აკრძალულია ნებისმიერი სახის მანქანით გადაადგილება, გარდა გამონაკლისებისა.

[რობი ზარიძე, ახალციხე]