11 მაისიდან თბილისში გადაადგილებასთან დაკავშირებული შეზღუდვა იხსნება

„ჩვენ დღეს შეგვიძლია ეპიდემიოლოგების და ექიმების კარგი შრომის შედეგად ეპიდემიოლოგიური მდგომარეობის ასე თუ ისე, შედარებით ნორმალური ციფრებიდან გამომდინარე გამოვაცხადოთ, რომ 11 მაისიდან სრულად გაიხსნება მიმოსვლა თბილისში. მოგეხსენებათ, თბილისი იყო ჩაკეტილი ქალაქი. 11 მაისიდან, ორშაბათიდან თბილისში ყველა სახის შეზღუდვები შემოსვლის და გასვლის თვალსაზრისით იქნება მოხსნილი. ეს არ ნიშნავს იმას, რომ საკომენდანტო საათი იქნება გაუქმებული მთელი ქვეყნის მასშტაბით. 14 მაისიდან სრულად გაიხსნება მიმოსვლა რუსთავში და გარდაბანში“, – განაცხადა გახარიამ.

თბილისში, რუსთავში, ქუთაისსა და ბათუმში შესვლა და გამოსვლა 15 აპრილს აიკრძალა.

[sknews.ge]