ვის შეუძლია საგანგებო მდგომარეობის დროს დასაშვებ საათებში ტრანსპორტით გადაადგილება

მთავრობის გადაწყვეტილებით, საგაზაფხულო სამუშაოების გამო, რეგიონებში ავტომობილებით გადაადგილებაზე შეღავათები დღეს ამოქმედდა.

სამცხე–ჯავახეთის სამხარეო ადმინისტრაციაში აცხადებენ, რომ მოქალაქეები, რომლებიც დილის 06:00-დან 08:00 საათამდე და საღამოს, 18:00–დან 19:00-საათამდე გადადგილდებიან, მოძრაობის ნებართვის მისაღებად საშვი არ ჭირდებათ. გიორგი მიქელაძე განმარტავს, რა შემთხვევაში დაჯარიმდება მოქალაქე.

„მაგალითად თუ მოქალაქე ცხრა აპრილიდან [ახალციხე] სოფელ სვირში მიდის ნაკვეთის დასამუშავებლად მას არ დააჯარიმებენ, ანუ როცა ერთი მიმართულებით მიდის. მაგრამ იმ შემთხვევაში თუ პოლიცია დაინახავს, რომ მანქანა ქალაქში არამიზნობრივად მოძრაობს ის დაჯარიმდება. დროც ისეთია შერჩეული რომ ხალხმარვლობას არ გამოიწვევს და ტყუილადაც არავინ გამოვა“,- განმარტა მიქელაძემ.





[მარიამ ბარძიმაძე, ახალციხე]