საქართველოში კორონავირუსით მეხუთე ადამიანი გარდაიცვალა

"ჩვენთან აპარატურულ სუნთქვაზე იყო უკვე კარგა ხანია. ამ ეტაპზე რეანიმაციაში ცხრა პაციენტი მკურნალობს, აქედან შვიდი აპარატზეა. სამი კრიტიკულ-ტერმინალურ მდგომარეობაშია. ერთ-ერთი მათგანი იყო ეს პაციენტი, რომელსაც გადატანილი ჰქონდა მიოკარდიუმის ინფარქტი, გულის უკმარისობა, სუნთქვის მწვავე უკმარისობით შემოვიდა და ამიტომ მოხდა მისი აპარატზე გადაყვანა. პაციენტს აღენიშნებოდა მიოკარდიუმის ინფარქტის გამო თავისი გართულებები, სასუნთქ გზებშიც გართულებები, რასაც დაემატა ორმხრივი მწვავე პნევმონია. იგი ჩვენს კლინიკაში ორი კვირის განმავლობაში იმყოფებოდა“,- განაცხადა საავადმყოფოს კლინიკურმა დირექტორმა, ლალი ტურძელაძემ.

საქართველოში კორონავირუსით გარდაცვალების პირველი შემთხვევა ოთხ აპრილს დაფიქსირდა, 79 წლის ქალს ინფექციასთან ერთად თანმხლები დაავადებები ჰქონდა. მეორე პაციენტი, 81 წლის ქალი, ხუთ აპრილს გარდაიცვალა.

მესამე, 86 წლის პაციენტი, შვიდ აპრილს გარდაიცვალა, ხოლო მეოთხე ინფიცირებული 18 აპრილს.

ქვეყანაში ინფიცირების პირველი შემთხვევა 2020 წლის 26 თებერვალს დაფიქსირდა.
ამავე თემაზე:

▶მსუბუქი მანქანებით მოძრაობა აიკრძალა - ვის არ ეხება შეზღუდვა

▶17 აპრილიდან დახურულ საჯარო სივრცეში პირბადის ტარება სავალდებულო ხდება

▶როგორ უნდა გადაადგილდეთ თუ ეწევით სამეურნეო ან დასაშვებ ეკონომიკურ საქმიანობას

▶ყველაფერი საყოველთაო კარანტინის რეჟიმზე

▶COVID 19 - სიმპტომები და გავრცელება - რა უნდა ვიცოდეთ ახალ კორონავირუსზე

▶რა უნდა გაითვალისწინოთ თვითიზოლაციაში ყოფნის დროს – რეკომენდაციები

▶რით განსხვავდება ერთმანეთისგან COVID-19 და გრიპი?

▶სახლიდან გასვლისა და შესვლის პროტოკოლი - COVID 19

▶როგორ დავიბანოთ ხელები სწორად? COVID 19



[sknews.ge]