‘საქართველოში შეკერილი პირბადეები თავის მთავარ მოთხოვნას ასრულებენ’ – ნათია თურნავა

ფოტო: ეკონომიკისა და მდგრადი განვითარების სამინისტრო

მანვე აღნიშნა, რომ პირბადე მოდური აქსესუარი არაა და ის ეპიდემიისგან თავის დასაცავად აუცილებელია.

„მიუხედავად იმისა, რომ ერთი დღეა, პირველი პარტია - 400 000 პირბადე შევიტანეთ საქართველოს სააფთიაქო ქსელებში, მოთხოვნა მართლაც დიდია. ძალიან მალე ვეცდებით, რომ შევავსოთ ეს მარაგები იმიტომ, რომ საკმაოდ დიდ რაოდენობას ვკერავთ და ვფიქრობთ, რომ მაქსიმალურად ვუპასუხოთ ბაზრის მოთხოვნებს. ამაზე მთელი ჯგუფი მუშაობს. გვაქვს ინფორმაცია ყველა სააფთიქო ქსელიდან და მათთან ვთანამშრომლობთ“, - განაცხადა ნათია თურნავამ.

მინისტრმა აღნიშნა, რომ ერთი პირბადის შეკერვა სახელმწიფოს 1 ლარი და 8 თეთრი უჯდება.

„მექანიზმი არის შემდეგი, სახელმწიფო, ეკონომიკის სამინისტრო ამ შემთხვევაში ვიძენთ სამედიცინო დოლბანდს უცხოეთიდან, ჩვენი დიპლომატიური ძალებით ვახერხებთ ამის მოძიებას და შეძენას კომერციულ ფასად. გარდა ამისა, ამაში არის ჩადებული ჩვენი მკერავების შრომა და საწარმოო ხარჯები, რაც ასახულია თვითღირებულებაში. თითოეული პირბადის კერვა კონტრაქტების მიხედვით, საშუალოდ ჯდება 60-დან 70 თეთრამდე დღგ-ს ჩათვლით. ძალიან კარგია, რომ მთელმა რიგმა სამკერვალო კომპანიამ მოგვაწოდა პირველი პარტიები უფასოდ და კერვის ღირებულება იქ არ იყო ასახული. ჩვენ დღესაც ვარიგებთ და მანამდეც დავარიგეთ ეს პირბადეები სხვადასხვა კატეგორიაზე, მათ შორის 70 წელს გადაცილებულ მარტოხელა პენსიონერებზე, ქრონიკული დაავადებების მქონე პენსიონერებზე, კარანტინში დასაქმებულ ადამიანებთან მიდის ეს პირბადეები უფასოდ, პოლიციელებთან, ჯარში და ა.შ.“, – ამბობს მინისტრი.

საქართველოს სააფთიაქო ქსელებში მეორე დღეა ქართული წარმოების პირბადეები იყიდება. მისი მრავალჯერადად გამოყენება შეიძლება, ღირებულება კი 50 თეთრია.

[sknews.ge]