70 წელს ზემოთ მოქალაქეებს მედიკამენტების შეძენაში მოხალისეები დაეხმარებიან

საქართველოში კორონავირუსის გავრცელების შემდეგ, მთავრობის გადაწყვეტილებით, 31 მარტიდან, 70 წელს ზემოთ მოქალაქეებს სახლიდან გასვლა ეკრძალებათ, გარდა იმ შემთხვევებისა, როდესაც ისინი მიდიან უახლოეს სასურსათო მაღაზიებში, უახლოეს აფთიაქსა ან უახლოეს სამედიცინო დაწესებულებაში.

სამცხე–ჯავახეთის თითქმის არცერთ სოფელს არ აქვს აფთიაქი. „სამხრეთის კარიბჭე“ დაინტერესდა, როგორ შეიძენენ საჭირო მედიკამენტებს მარტოხელა მოხუცები.

სამცხე-ჯავახეთის სახელმწიფო რწმუნებულის აპარტის ხელმძღვანელის, გიორგი მიქელაძის განცხადებით, საჭიროების შემთხვევაში მოქალაქეებმა მთავრობის მიერ შექმილ ცხელ ხაზზე, 114–ზე უნდა დარეკონ. შემდეგ მათთან მოხალისეები მივლენ და მედიკამენტების შესაძენად აფთიაქში გაეგზავნებიან.

„ყველაგან მითითებული გავაქვს საკონტაქტო ნომრები, როგორც მუნიციპალიტეტების, ასვე გუბერნიის. არის ცხელი ხაზი – 144, რომლის შესახებაც თითქმის ყველამ იცის, იქ რეკავენ მოქალაქეები და შემდეგ ჩვენთან ამისამართებენ. ჩვენ გვყავს მოხალისეთა ჯგუფები, რომლებსაც შეუძლიათ 70 წელს ზემოთ პირებს, უყიდონ მედიკამენტები და მიუტანონ“, – ამბობს სამცხე-ჯავახეთის სახელმწიფო რწმუნებულის აპარტის ხელმძღვანელი, გიორგი მიქელაძე.

მისივე თქმით, ხანდაზმულებს სოფლებში მერის წარმომადგენლებიც ეხმარებიან.

„გარდა მოხალისეებისა, მუნიცპალიტეტის თითქმის ყველა თანამშრომელი და სამხარეო ადმინისტრაცია ჩართულია. მახსენდება ერთი შემთხვევა ადიგენიდან, 70 წელს ზემოთ გადაცილებული ცოლ–ქმარი დაგვიკავშირდა, გადავეცით მერს და მოხალისეები დაეხმარენენ მედიკამენტების შეძენაში“, – გვითხა მიქელაძემ.

ცხელი ხაზის ნომრები მუნიციპალიტეტების მიხედვით:

რეგიონი - 591 918 928
ადიგენი - 577 715 712
ასპინძა - 595 098 899
ახალციხე - 591 44 97 43
ახალქალაქი - 577 122 770
ბორჯომი - 557 337 333
ნინოწმინდა - 595 300 501

[ნუკა სტეფნაძე, ახალციხე]