'13 წლის ბიჭი აბსოლუტურად ჯანმრთელია' - რატიანი გამოჯანმრთელებულ პაცინეტზე

დღეს, 8 აპრილის მდგომარეობით, პირველ საუნივერსიტეტო კლინიკას ორი პაციენტი დატოვებს.

ამ ეტაპზე კლინიკაში 71 პაციენტია, 53 დადასტურებული შემთხვევა, დანარჩენები პასუხს ელოდებიან.

7 აპრილს კლინიკაში პერსონალის მასობრივი გამოკვლევა ჩატარდა pcr მეთოდით, არცერთ თანამშრომლეს კოვიდ ინფექცია არ დაუდასტურდა.

„კრიტიკული მედიცინის დეპარტამენტში მოთავსებული პაციენტების მდგომარეობაში ამ ეტაპზე არის დადებითი დინამიკა. ქალბატონების ტესტები დღეს იგზავნება, პროტოკოლის მიხედვით, ხვალ განმეორდება თუ იქნება დადებითი, რამდენიმე დღეში დატოვებენ კლინიკას. 42 წლის პაციენტი, რომელიც ჩვენს კლინიკაში ყველაზე ახალგაზრდა მძიმე პაციენტი იყო, მისი მდგომარეობა მეტ-ნაკლებად სტაბილურია, ინარჩუნებს გარეგანი სუნთქვის პარამეტრებს. ორსულ ქალბატონებს რაც შეეხება, 24 კვირის ორსულთან გავიდა 14 დღე, იგზავნება ლუგარის ლაბორატორიაში ტესტი და დღეს, დღის მეორე ნახევარში გვეცოდინება პასუხი. მეორე ორსული, 8 კვირის, მისი და ნაყოფის მდგომარეობა შეესაბამება ფიზიოლოიგიურ პარამეტრებს. 13 წლის ბიჭუნა არის აბსოლუტურად ჯანმრთელი“, - აცხადებს ლევან რატიანი.

რატიანმა 7 აპრილს გაკეთებული განცხადებაც დააზუსტა და აღნიშნა, რომ ინფიცირების შემთხვევაში, 80% ასიმპტომურად გადაიტანს, რაც იმას ნიშნავს, რომ შეიძლება პირი იყოს ინფექციის მიმღები და გამავრცელებელი.

„მსოფლიო ჯანდაცვის ორგანიზაციამ 13 მარტს დადო გამოცდილება სამყაროსი, რომ 80% ადამიანებისა, შესაძლებელია დასნებოვდეს, მაგრამ იყვნენ ინფექციის მტარებლები და არა დაავადებულები. ამიტომ ასეთი ადამაინები, ყველაზე საშიშიები არიან საზოგადოებისთვის, იმიტომ, რომ არიან 100%-ით ინფექციის გამავრცელებლები. რაც შეეხება 20%-ს, მათგან 17%-ს შეიძლება დასჭირდეს სტაციონალიზაცია, თერაპიის განყოფილებაში, საშუალო და მსუბუქ ფორმებში. 3%-ს შესაძლებლია დასჭირდეს მკურნალობა რეანიმაციაში. ამ დაავადების გამოსავალში ძალიან დიდი მნიშვენლობა აქვს განწყობის თერაპიას“, - განაცხადა რატიანმა.

[თაკო ფეიქრიშვილი, ახალციხე]