ანდერსენის ზღაპრები - სახლში დარჩენილი პატარებისთვის [ვიდეო]

მე კი გეტყვი, რომ ზუსტად 215 წლის წინ, ორ აპრილს, დანიაში, ქალაქ ოდენსეში დაიბადა ჰანს კრისტიან ანდერსენი, მწერალი, პოეტი, დრამატურგი, რომანისტი, ჟურნალისტი და მეზღაპრე.

„ერთ პატარა და ღარიბულ ქოხში ცხოვრობდა ახალგაზრდა ცოლ–ქმარი, რომელთაც ძალიან უყვარდათ ერთმანეთი. ქმარმა საკუთარი ხელით გამოთალა საქორწინო სარეცელი, რომელზეც ძალიან მალე გაჩნდა პატარა, მყვირალა ბურთი– ეს ვიყავი მე, ჰანს კრისტიან ანდერსენი“.

ანდერსენი იყო ღარიბი მეწაღის შვილი. მას ადრევე აღმოაჩნდა დიდი წარმოსახვის უნარი. მამის გარდაცვალების შემდეგ ჰანს-ქრისტიანს თავის რჩენა თავად უწევდა. მან შეწყვიტა სკოლაში სიარული, თავადვე ააგო თოჯინების პატარა თეატრი და დაიწყო თავისი მარიონეტებისთვის ტანსაცმლის კერვა. გარდა ამისა, კითხულობდა ყველაფერს, რის შოვნასაც ახერხებდა.

ჰანს ქრისტიანის ოცნება იყო ოპერის მომღერლობა, თუმცა არ გამოუვიდა.

შემდეგ შეგირდ მოცეკვავედაც მიიღეს სამეფო თეატრში. მოცეკვავე რომ არ დადგა ეგეც ვიცით.

მისი ზღაპრების უამრავი თარგმანი და გამოცემა არსებობს, სხვადასხვა ილუსტრაციებით გამოცემული წიგნები მთელს მსოფლიოში დღემდე არ კარგავს აქტუალობას.

თუ კარგად მოკალათდით ციმციმა განათებების ქვეშ, გადაშალეთ ჯადოსნური, ზღაპრული წიგნი და წაიკითხეთ – თოვლის დედოფალი, მახინჯი იხვის ჭუკი, გარეული გედები, ნამდვილი პრინცესა, ნამცეცა, ორი ყოყლოჩინა მამალი, იმპერატორი და ბულბული, მფრინავი სკივრი, კალის ჯარისკაცი, პატარა ნაძვი . . .

ზღაპარი "ნამდვილი პრინცესა" კითხულობს ანდრია კოხოძე.



[გულო კოხოძე, ახალციხე]