‘ონლაინ გაყიდვები ფაქტობივად აკრძალულია’ – ნათია თურნავა

„ამ ეტაპზე, არასასურსათო პროდუქციის ონლაინ გაყიდვები პრაქტიკულად არის აკრძალული. ამაში, რა თქმა უნდა, არ შედის ფარმაცევტული ნაწარმი. გუშინ თავის ინტერვიუში პრემიერ-მინისტრმა ისაუბრა და მეც მინდა ვთქვა, რომ ეს არის დროებითი იძულებითი ზომა, რადგან საკმაოდ დიდი სფეროა, დიდი სისტემა და ურთიერთობათა ჯაჭვია – იქ არის საწყობები, მიტანის სერვისები და ოფისები ჩართული“, - განაცხადა ბრიფინგზე ეკონომიკის მინისტრმა ნათია თურნავამ.

მისივე თქმით, აუცილებელია ბიზნეს სექტორმა იმ წესებით იხელმძღვანელოს, რომლებიც კრიზისულ ვითარებაში მოქმედებს.

„პირველ რიგში აქცენტს ვაკეთებთ გაიდლაინების და ჯანდაცვის სამინისტროს, ეპიდემიოლოგების და ინფექციონისტების მიერ შემუშავებული წესების დანერგვასა და დაცვაზე. ყველა ბიზნესს მივმართავ, უნდა ვისწავლოთ ცხოვრება ამ წესების დაცვით. ეს არის გარკვეულ ძალისხმევასთან დაკავშირებული მაგრამ ეს იქნება წინაპირობა ბიზნესების შემდგომი ფუნქციონირების და ჩვენ ამას რა თქმა უნდა გავაკონტროლებთ“, - აცხადებს მინისტრი.

[sknews.ge]